Bókstaflega elska gott kaffi... en er nú samt alltaf að berjast við kaffidjöfulinn. Þetta er svo fjandi gott en að sama skapi óhollt fyrir allan peninginn og ætti ekki að fara inn fyrir mínar varir. Er búin að vera að reyna að venja mig á grænt te en finnst það bara vont... þrátt fyrir öll góð húsráð. En um helgina fann ég frábæran staðgengil fyrir kaffi... rauðrunnate... umm umm... en ætla samt að drekka kaffi svona spari t.d. þegar ég heimsæki sumt fólk sem býr hreinlega til OF gott kaffi.

Fór með Hörpu _"tengdó" í bíó í gær á Brokeback mountain... vonandi á ég aldrei eftir að eignast mann sem fer í _"veiðiferðir" með vini sínum ... úff... frekar átakanleg mynd samt. Kennir manni að leyfa hverjum fugli að fljúga eins og hann er fiðraður.

Nýjar myndir af syninum á síðunni hans ... http://www.barnaland.is/barn/3994

Reyndar á ég eftir að setja inn fullt af myndum frá pabba hans... kannski í kvöld

Það voru nú ekkert voðalega fersk mæðgin sem læddust heim til sín í morgunsárið. Sofnuðum yfir úrslitunum í Idolinu í gærkvöldi... inn í Hafnarfirði og það varð úr að við sváfum bara þar. Síðan Georg kom þá er ég bara dauðþreytt á kvöldin og sofna um leið og ég leggst á koddann og reyndar ansi reglulega fyrir framan sjónvarpið þegar ég í bjartsýni þykist ætla að horfa á e-a þætti. En fyrir vikið er ég líka orðin ansi árrisul ... loksins

Var frekar svekkt  með hana Söru, að taka þetta fallega lag og gera ekki betur... þegar maður veit að hvað hún getur. Nana söng lagið okkar Georgs þannig að við sátum bæði stjörf og mamman reyndar með gæsahúð og eitt lítið tár. Ína var reyndar líka ansi góð... toppar reyndar ekki Ellý mína en góð samt.

Jóhanna Ýr vakti mig aðeins til umhugsunar fyrr í vetur... þegar hún bloggaði um lög sem mætti spila í jarðarförinni hennar. Eitthvað sem manni finnst nú kannski ekki beint þægilegt að ræða um... en samt? Það eru nokkur lög sem koma strax upp í hugann... Til eru fræ og  Heyr mína bæn eru þar efst á lista ...

Annars er róleg helgi framundan, útivist hjá okkur í dag... dauðfegin að það sé mömmuhelgi þó ég missi af afmælinu hennar Lindu. Svo lengi sem ég get forðast Hressó og miðbæinn yfirhöfuð þá er ég sátt. Síðasta heimsókn þangað dugar mér í bili!!! Annars er árshátíð hjá okkur næstu helgi ... það verður nú bara gaman enda bara eðalfólk á mínum vinnustað...

http://www.metacafe.com/watch/76562/always_look_on_the_bright_side_of_life/

Góða og gleðilega helgi!!! ekki annað hægt þessa dagana

Hélt að dagurinn í gær yrði seint toppaður... bara frábær dagur ... en dagurinn í dag var bara BETRI. Ætli ég sé ekki að verða sáttari við borgarlífið en ég vil viðurkenna.

Við mæðginin notuðum góða veðrið til útivistar... spókuðum okkur fyrst á Laugarveginum. Kíktum á Selmu og náðum flíkurnar sem hún var svo frábær að laga fyrir okkur og svo kíktum við auðvitað í Skífuna, Mál og menningu ... og alla búðarglugga. Ég keypti loksins diskinn úr Johny Cash myndinni og er í essinu mínu núna í bílnum: ...because yo´re mine I walk the line... and it burns, burns, burns, the ring of fire, the ring of fire... when I hear that whistle blowing I hang my head and cry... Endalaust frábær lög á þessum disk og Joaquin alveg að gera sig sem Cash. Frostlögin fara bara í smá pásu for a while 

Svo fórum við mæðginin út á Nes og gengum í fjörunni hjá Gróttu. Yndislegur staður, svo auðvelt að gleyma hversu nálægt borgarmörkunum maður er. Enginn umferðarniður eða mengun... bara ljúfur ölduniður og véladrunur frá smábátunum. Aðeins meira af fólki en við erum vön í okkar gönguferðum í náttúrunni... en það venst eflaust eins og annað.

Starfið mitt er aðeins að breytast í næstu viku. Ögrandi, krefjandi, spennandi en vonandi alveg jafn skemmtilegt og það hefur verið hingað til. Hlakka til þó ég viti að ég er að stinga mér á bólakaf út í djúpu laugina. En þessi starfsvettvangur á bara alveg hrikalega vel við mig... yndislegt að geta unnið við það sem gefur manni lífsfyllingu

Vantar ykkur ekki peysur til að hlýja ykkur í vetur... eða jafnvel í tækifærisgjafir???

Stóðst bara ekki mátið og stal þessu frá Agnesi svítí -pæ... http://www.lesliehall.com/index8.html

Aldrei spáði ég í þessum texta hérna í den tid... söng þetta í mesta sakleysi í MA... en er ég raulaði þetta lag um daginn var mér bent á fyrir að textinn væri ansi tvíræður... og kannski ekki við barna hæfi... kannski ekki þar sem börn í dag eru síður en svo jafn saklaus og ég var... og er???

Heimaleikfimi er heilsubót,

hressir mann upp og gerir mann stífan.

Hvort sem að undir er gras eða grjót,

gólfteppi, eldhúsborð, stóll eða dívan.

Finnst þetta Kompás mál annars bara viðbjóður... hvað er að???

Er annars á nostalgíunni ... vafra um á MA síðunni. Held að það sé nú alveg að verða kominn tími á Akureyrar-ferð...

... er annað nafn á þessari annars indælu borg skv. skipstjóra nokkrum í Eyjum.

Hef reyndar voða lítið annað en gott um borgarlífið að segja... gengur allt í haginn þannig lagað séð... en hef þó á tilfinningunni að borgin laði fram mínar verstu hliðar... eitthvað jafnvel sem ég hélt ég ætti ekki til ...

Fór heim um síðustu helgi,  fór til Drafnar í shine, lærði smá, fór í heimsóknir, vann á Greifaballi... er enn með _"má ég fylgja þér heim... í nótt" á heilanum, gekk á Heimaklett og verslaði allan lakkrís-Extra brjóstsykurinn sem til var í Skýlinu og átti sem sagt afar dæmigerða helgi í Eyjum ... alltaf ljúft... en sama var nú ekki á teningnum þessa helgina.

Jú jú... helgin byrjaði reyndar ágætlega... fór í Idolpartý í Berjarimann, út að hlaupa þegar ég kom heim... nýju skórnir alveg að gera sig, hljóp eins og vindurinn í 58 mínútur, persónulegt met... svaf til 10. Lærði, fór í ljós, í Kringluna og svo á Nings með pönkaranum og svo um kvöldið í þetta fína Júró-partý á Bergþórugötunni. Við vorum nú   reyndar á leiðinni heim um miðnætti, í engu stuði og grútsyfjaðar... en nei nei... heim fórum við ekki. Endaði svo á skralli með skátanum síkáta og uppskar timburmenn skv. því í gær ... er eiginlega enn hálf dofin. Sé glöð fram á rólegar helgar á næstunni en það er nú gott að geta gert vinkonur sínar stoltar!!! þó ekki alveg mín stoltasta stund... en fyndið kvöld engu að síður...

Þakka Láru kærlega fyrir klukkið... hehe.

Fjögur störf sem ég hef unnið:

1. Almenn sveitastörf... heyskapur o.fl.
2. Frystihús... flæðilínublús
3. Þjónn, barþjónn og almenn afgreiðslustörf.
4. Kennari

Fjórar bíómyndir sem ég gæti horft á aftur og aftur:

1. Lion king
2. Pulp Fiction
3. Dirty Dancing
4. Dumb´n´dumber

Fjórir staðir sem ég hef búið á:

1. Eyjar
2. Akureyri
3. Reykjavík
4. USA

Fjórir þættir sem mér líkar:

1. Friends
2. Cold Feet
3. Gilmore Girls
4. Heilsubælið í Gervahverfi

Fjórar síður sem ég skoða daglega fyrir utan blogg:

1. khi.is
2. ruv.is
3. mbl.is
4. simnet.is

Fjórir staðir sem ég hef heimsótt í fríum:

1. Skagaströnd
2. Aðaldalur
3. London
4. Norður-Karólína

Fernt matarkyns sem ég held upp á:

1. Folaldakjöt
2. Harðfiskur m/ísl. smjöri
3. Allir ostar
4. Panang-örbylgjurétturinn góði

Fjórir staðir sem ég vildi  heldur vera á núna:

1. Eyjar
2. Skagaströnd
3. Ítalía
4. Mósambik

en ég ætla að segja pass við því að klukka einhvern... bara þeir sem ekki hafa verið klukkaðir nú þegar og hafa áhuga... be my guest!!!

Jæja þá er friðurinn úti... fékk þetta sent í gær: http://www.block-checker.com

Er ekki einhver afskaplega vinsamleg og tölvufróð sem nennir að sýna mér hvernig ég get vistað þessi myndbönd úr Söngvakeppninni í eina möppu og látið svo rúlla fyrir son minn... er orðin eitthvað þreytt á að gera þetta handvirkt, því auðvitað vill hann bara horfa á sömu lögin á hverju kvöldi ... 

_"Silvía Nótt, Matti, með litla barn í maga, Frrriðrik Ómarrr, Regína Ósk, Andvaka, Magni, Eldur, Dísella og svo aftur Silvía Nótt og svo síðast Birgitta"  ...  krúttið

Þetta er orðin heilög stund rétt fyrir svefninn... og mömmunni leiðist það svo sem alls ekki.

Mikið afskaplega langar mig í hlaupabraut... væri svo hrikalega til í að komast út að hlaupa en fer auðvitað ekki frá syninum svo glatt... þannig að það væri ósköp fínt að geta skokkað á meðan kvölddagskráin rúllar!!!

Mikið má ég vera þakklát fyrir að vinna við það sem færir mér ómælda gleði. Að koma heim, endurnærð og brosandi út að eyrum er eflaust ekki svo sjálfsagt. Gullkornin eru ansi mörg sem ég geymi orðið í farteskinu frá þeim börnum sem ég hef kennt... en skemmtilegast er þó að ræða við þau um lífið og tilveruna og fá tækifæri til að sjá lífið með þeirra augum.

Evróvisjón... var umræðuefnið í dag og skemmti ég mér konunglega í þeim umræðum. Margir héldu með Silvíu Nótt, fleiri með Birgittu Haukdal... en hópur drengja sagðist sko ekki hafa kosið því þeir tækju ekki þátt í svona löguðu. _"Þetta er ekki lengur söngvakeppni... þetta snýst meira um það hver er í stysta kjólnum"... og þegar maður er bara 9 ára strákur þá vill maður sko ekki fá að sjá lærin á einhverjum konum takk fyrir ... heheh... ógeðslegt... var orðið sem oftast var notað.

Persónulega hef ég nú lúmskt gaman af Silvíu Nótt týpunni, kaldhæðnin er svo augljós í karakternum... og þar sem ég hef starfað mikið með unglingum og sem barþjónn... þá hittir þessi húmor beint í mark... hún er nefnilega furðulega nálægt raunveruleikanum ... Við mæðginin höfum svolítið verið að horfa á lögin á ruv.is og sonur minn verður algjörlega stjarfur yfir Silvíu. Ég held við myndum nú ekki vinna keppnina en eflaust yrðum frekar ofarlega því hún myndi óneitanlega vekja mikla athygli, yrði eflaust sambærilegt norska laginu í fyrra.

En þau lög sem mér finnst athyglisverð, eru lögin með Regínu Ósk, Guðrúnu Árný og Dísellu. Ekki endilega best en skera sig úr að einhverju leyti... get ekki alveg sett fingurinn á það. Og lagið með Matta... úff... fæ það á heilann... skil það ekki... vona hreinlega að það fái ekki mikla spilun í útvarpi... Þoli ekki svona lög sem festast í hausnum á manni, svo kann maður ekki einu sinni textann... raular sama lagstúfinn aftur og aftur!!!

Það koma tímar þar sem ég spyr mig hvers vegna í ósköpunum ég er að blogga. Þetta er á netinu og fyrir allra augum. Mér finnst alltaf eins og ég sé bara að tjá mig við fáeinar góðar vinkonur en rek mig svo á að hingað inn slæðist ótrúlegasta fólk. Allt í lagi með það ... en það er kannski verra þegar fólk mistúlkar eitthvað sem ég segi og tekur það persónulega. Þetta blogg er um mig... frá mér ... til mín. Ætlunin er aldrei að ræða aðra og annarra tilfinningar en mínar eigin. Hér rasa ég út um það sem mér liggur á hjarta, reyni að sjá skoplegu hliðina á sjálfri mér... mér og mínum til gamans... Þó tjáningarfrelsið sé afskaplega mikilvægt þá er annað sem mér finnst mikilvægara ... nærgætni... því aðgát skal höfð í nærveru sálar. Alltof margir segja það sem þeim dettur í hug og skýla sér á bak við tjáningarfrelsi. Hver kannast ekki við fólk sem tilkynnir næsta manni að hann sé í ljótum jakka en segir svo: _"ja ég er bara hreinskilinn!"... þetta er ekki hreinskilni ... þetta er hrein illkvittni. Það sem er að gerast í Danmörku finnst mér gott dæmi um misnotkun  á tjáningarfrelsinu. Eins hið sorglega blað DV ... sem ég næ ekki upp í nefið á mér að fólk skuli kaupa!!! Hvað er að??? Við eigum að bera virðingu fyrir því málfrelsi sem við erum svo heppin að búa við og setja okkur eðlileg mörk í samskiptum við fólk.

Sumir dagar eru einfaldlega þannig að maður vaknar með bros á vör og frið í hjarta... Og þessi dagur er einmitt þannig. Hvort sem það er vegna ljúfra drauma, lítilla handa sem héldu fast utan um mömmu sína í nótt eða vegna þess að ég bretti upp ermarnar loksins í gærkvöldi og tók aðeins til í sálartetrinu... henti út gömlu rusli og skúraði út skít... so to speak.

Við ætlum að erindast aðeins í dag og svo förum við norður í kvöld... þannig að við verðum í meira og minna í heimsóknum alla helgina og ég læri væntanlega ekki mikið ...jú aðeins... því við Guðrún þurfum að vinna í blessuðu kennsluverkefninu okkar... garg!

En eigiði góða og yndislega helgi öll

Ég skrifaði í vefdagbók sonarins á Barnalandi !!! og lofa ættingjum og vinum að vera dugleg núna að skrifa þar svo allir geti fylgst með afrekum hans í borginni.

http://www.barnaland.is/barn/3994